LAO TAI TRADING - INVESTMENT GROUP

ສໍານັກງານຕັ້ງຢູ່ບ້ານ ໂພນໄຊ, ເມືອງໄຊຍະເສດຖາ, ນະຄອນຫຼວງວຽງຈັນ. ສ້າງຕັ້ງຂຶ້ນໃນວັນທີ 15 ມັງກອນ 2010. ເລີ່ມຕົ້ນເປັນບໍລິສັດຮັບເໝົາກໍ່ສ້າງຂົວທາງ, ຕຶກອາຄານ ແລະ ຊົນລະປະທານ ຈໍາກັດຜູ້ດດຽວ. ນັບແຕ່ປີ 2020 ເປັນຕົ້ນມາ ບໍລິສັດ ລາວໃຕ້ ຮັບເໝົາກໍ່ສ້າງຂົວທາງ, ຕຶກອາຄານ ແລະ ຊົນລະປະທານ ຈໍາກັດຜູ້ດຽວ   ໄດ້ຫັນເປັນ     ກຸ່ມ ບໍລິສັດ ລາວໃຕ້ ການຄ້າ ແລະ ການລົງທຶນ ຈໍາກັດ ເຊິ່ງໃນປະຈຸບັນປະກອບມີ 05 ບໍລິສັດລູກໃນເຄືອກຸ່ມບໍລິສັດ ລາວໃຕ້ ທີ່ດໍາເນີນທຸລະກິດທາງດ້ານກໍ່ສ້າງຂົວທາງ, ຕຶກອາຄານ ແລະ ຊົນລະປະທານ; ຈັດຊື້ວັດສະດຸ-ອຸປະກອນສໍາລັບອຸດສາຫະກໍາໜັກ-ເບົາ; ສະໜອງເຄື່ອງນຸ່ງຊົນເຜົ່າກືມມຸ, ບໍລິການປ່ອຍເຊົ່າລົດຫຼູ ແລະ ໃຫ້ຄໍາປຶກສາທາງດ້ານການຄ້າ ແລະ ການລົງທຶນ ເປັນຕົ້ນ.

ກຸ່ມບໍລິສັດ ລາວໃຕ້ ການຄ້າ ແລະ ການລົງທຶນ ຈໍາກັດ, ເອົາໃຈໃສ່ລົງທຶນໂຄງການພັດທະນາລະບົບພື້ນຖານໂຄງລ່າງໃນ ສປປ ລາວ ຕາມແຜນພັດທະນາເສດຖະກິດ-ສັງຄົມ ທີ່ເປັນເປົ້າໝາຍຕົ້ນຕໍຂອງລັດຖະບານລາວຄຽງຄູ່ກັບ ເປົ້າໝາຍການພັດທະນາແບບຍືນຍົງ ຂອງສະຫະປະຊາຊາດ (SDGs) ເພື່ອອໍານວຍຄວາມສະດວກໃຫ້ແກ່ອຸດສາຫະກໍາ, ວິສາຫະກິດ ແລະ ສັງຄົມ.

ກຸ່ມບໍລິສັດ ລາວໃຕ້ ການຄ້າ ແລະ ການລົງທຶນ ຈໍາກັດ, ມີໂຄງການລົງທຶນໃນຮູບແບບດ່ຽວ ແລະ ຮູບແບບຮ່ວມລົງທຶນກັບພາກລັດ, ພາກເອກະຊົນ ທັງພາຍໃນ ແລະ ຕ່າງປະເທດ 

ກຸ່ມບໍລິສັດ ລາວໃຕ້ ການຄ້າ ແລະ ການລົງທຶນ ຈໍາກັດ
ເປັນບໍລິສັດຊັ້ນນຳທາງດ້ານຮັບເໝົາກໍ່ສ້າງຂົວທາງ, ຕຶກອາຄານ ແລະ ເຄຫາສະຖານ, ມີປະສົບການຫຼາຍກວ່າ 10 ປີ, ມີພະນັກງານວິຊາການທີ່ມີຄວາມຊຽວຊານສະເພາະດ້ານ ເຊັ່ນ: ດ້ານການອອກແບບ, ດ້ານການສໍາຫຼວດ ແລະ ດ້ານການກໍ່ສ້າງ. ພາຍໃຕ້ ເຂືອກຸ່ມບໍລິສັດ ລາວໃຕ້ ຂອງພວກເຮົາ ຍັງມີບໍລິສັດລູກ ທີ່ພ້ອມໃຫ້ບໍລິການປ່ອຍເຊົ່າລົດຫຼູ, ຜະລິດ ແລະ ຈໍາໜ່າຍເຄື່ອງນຸ່ງຊົນເຜົ່າ, ຈັດຊື້ອຸປະກອນສໍາລັບອຸດສາຫະກໍາໜັກ-ເບົາ, ໃຫ້ຄໍາປຶກສາດ້ານວິເຄາະການເງິນ-ວາງແຜນການລົງທຶນ ແລະ ອື່ນໆ ເປັນຕົ້ນ.

ຈຸດເລີ່ມຕົ້ນ ແລະ ບາດກ້າວ ຂອງກຸ່ມບໍລິສັດ ລາວໃຕ້ ການຄ້າ ແລະ ການລົງທຶນ ຈໍາກັດ
ກຸ່ມບໍລິສັດ ລາວໃຕ້ ການຄ້າ ແລະ ການລົງທຶນ ຈໍາກັດ, ເລີ່ມຕົ້ນຈາກເປັນບໍລິສັດຮັບເໝົາກໍ່ສ້າງ ແລະ ສະ ໜອງຈັດຊື້ວັດສະດຸ-ອຸປະກອນສໍາລັບອຸດສາຫະກໍາໜັກ-ເບົາ, ນັບແຕ່ອະດີດຈົນເຖິງປະຈຸບັນ ກຸ່ມບໍລິສັດ ລາວໃຕ້ ເປັນກຸ່ມບໍລິສັດ ພວມມີການຂະຫຍາຍຕົວຢ່າງຕໍ່ເນື່ອງ, ມີແຜນຂະຫຍາຍທຸລະກິດ ຂອງອົງກອນ ຢ່າງຊັດເຈນ ເພື່ອຂັບເຄື່ອນອົງກອນກ່າວໄປຂ້າງໜ້າຢູ່ສະເໝີ ແລະ ພ້ອມທີ່ຈະເປັນໜື່ງໃນກຸ່ມບໍລິສັດຊັ້ນແຖວໜ້າຂອງ ສປປ ລາວ ໂດຍຍຶດຖືຄໍາຂັວນ ຂອງກຸ່ມບໍລິສັດທີ່ວ່າ: “ລາວໃຕ້ ກ້າວໄກກ້າວໄປສູ່ຄວາມສໍາເລັດທີ່ຍິ່ງໃຫ່ຍ”.